يوميات عضو فى نورى مورى

احد الاشخاص سجل بمنتدى ماى ايجى ودى كانت رحلتوا


اهلا بيك فى منتدى نورى مورى
انا دليلك الشخصى وهفضل معاك طول رحلتك فى المنتدى


اهلا بيكى
انا سعيد جدا انى سجلت فى المنتدى الجميل ده
ايه اول خطوه اعملها فى المنتدى
اول حاجه لازم تعملها انك تقرا القوانين كويس
وفى موضوع فى قسم المنوعات عملوا مشرفنا العزيز lost love
عشان لو عندك اى استفسار اكتبوا هناك
وهتلاقيهم بيرحبوا بيك وبيردوا على اسئلتك
وبعدين ممكن تعمل جوله سريعه فى اقسام المنتدى
عشان تتعرف عليها وبعدين ابدا بمشاركت الاعضاء بمواضيعك


بعد يومين



الحقى
خير
انا عملت موضوع ببص لقيتو اتنقل للصفحه الرئيسيه
وانا لسه عضو مبتدى
طب مبروك ياعم
ده دليل على ان موضوعك مميز فالاداره اعجبت بيه ونقلتو على الرئيسيه
عشان حتى الزوار يشفوه
والاداره مش بتفرق معاها عضو مبتدى او سوبر
طالما ابدعت فى موضوعك فبتكرم مجهودك بنقلو الى الرئسيه


اليوم اللى بعده



انت عملت اكتر من 30 مشاركه فتغير لقبك من عضو مبتدى لعضو
تمام
بس انا عندى مشكله
ربنا ميجبش مشاكل
لو عندك اى مشكله او اى اقتراح اكتبوا فى قسم الشكاوى
وهتلاقى هناك المشرفين بيهتموا بشكوتك او باقتراحك

استمر عضونا الغالى برحلته فى المنتدى وشارك باراء رائعه ومواضيع مميزه وانتقل من عضو اللى عضو فعال

يا استاذ
نعم
انت وصلت عدد مشاركاتك ل 200 مشاركه
دلوقتى تقدر تبعت رسائل خاصه وكام مشاركه كمان وتبقى عضو محترف
بجد
اه بجد
صح انا نسيت اقولك
ايه
مش انا عملت موضوع ونال اعجاب شديد والمشرفين ثبتوه
مبرووووك
مش انا قولتلك ابدع انت بس وهتلاقى تقدير لتعبك
وبعدين تعالى هنا بقى انا تعبه نفسى معاك من بداية الرحله
وتنسى تقولى على حاجه زى دى
اسف
خلاص حصل خير
يلا بقى كمل ابداعك

وبعد اسبوعين

يااااا ....... (انا بنسى دايما اسالو عن اسموا)
نعم
مشركاتك دلوقتى وصلت ل 500 مشاركه
واتنقلت من عضو محترف لعضو سوبر مبروك
الله يبارك فيكى
بعد العضو السوبر ممكن ابقى ايه تانى؟؟
ممكن ربنا يكرمك وتبقى مشرف
مشرف
اه مالك اتحولت كد ليه
انتى اكيد بتهزرى استحاله ابقى مشرف
لا يا عم ممكن
المشرفين كانو فى يوم من الايام زيك اعضاء
بس لانهم طبقوا قوانين المنتدى صح
وابدعوا فى مواضعهم
وكسبوا حب الاعضاء
الاداره اختارتهم مشرفين
لكن هما كانو زى اى عضو ومرو بنفس رحلتك
انا بحب منتدى ماى ايجى ده وبحب الناس اللى فيه
عارف لو بقيت مشرف ايه اللى هيحصل
ايه؟؟
صورتك هتكبر
هاهاهاهاها كويس
عشان انا عينى تعبتنى من الصوره الصغيره
ولون اسمك هيتغير
كمان ده كده كتير عليا
وممكن تضرب كمان معاك وتبقى مشرف عام المنتديات
لا كده ممكن يجيلى ساكته قلبيه
خلينى عضو سوبر احسن
طيب ياعم
اانت دلوقتى عرفت حاجات كتير واتعلمت حاجات كتير
فا انا دورى كده انتهى
خلاص هتمشى
اه خلاص
و فى اى وقت لو احتجت حاجه متتردتش انك تسال اى مشرف
وهما هيجوبوا عليك
واتمنالك اوقات سعيده فى بيتك التانى نورى مورى
شكرا
سلام
سلام
يوووه برضوا نسيت اسالو عن اسمو

هى طويله معلش
بس يارب تعجبكوا
اخوكم احمد حماده